អំពីកម្មវិធី
ចំណងជើងកម្មវិធី៖
លើកកំពស់ជីវភាពសហគមន៍ជនជាតិដើមភាគតិច/សហគមន៍មូលដ្ឋាន ដែលរស់នៅក្នុងតំបន់ការពារធម្មជាតិ(PRIPA)
យុទ្ធសាស្ត្រសំខាន់ៗ៖
(១) យេនឌ័រ
យេនឌ័រគឺជាឥទ្ធពលគន្លឹះក្នុងផែនការយុទ្ធសាស្ត្ររបស់អង្គការផ្ទះតូចភូមិភាគឦសាន ២០២៣-២០២៧ ដែលបានបង្កប់សមភាពយេនឌ័រទៅក្នុងបរិយាប័នយុទ្ធសាស្ត្ររបស់យើង។ មានវិស័យជាច្រើនដែលយើងធ្វើការជាមួយ គឺស្ត្រីបានដើរតួនាទីនៅក្នុងការផលិតស្បៀង ការរកប្រាក់ចំណូល ការគៀគរ ទុកដាក់ពូជ ដោះស្រាយបញ្ហាប្រែប្រួលអាកាសធាតុនិងការបន្សាំខ្លួន។ ស្ត្រីជាអ្នកជំនួញ ជាអ្នកកែច្នៃ និងជាឃ្លាំងចំណេះដឹងនៅលើដីធ្លីនិងព្រៃឈើ។ យើងនឹងចាត់ទុកថាស្ត្រីនិងបុរសចូលរួមដោយកម្រិតណា ក្នុងការទទួលផលប្រយោជពីគម្រោង និងកិច្ចខិតខំដើម្បីបានផលប្រយោជ ដោយមិនមានការបៀតបៀនគ្នាទៅវិញទៅមក។
(២) ការសិក្សាអំពីកម្មវិធី
ក្នុងឆ្នាំ២០២៣ អង្គការផ្ទះតូចភូមិភាគឦសាននឹងធ្វើការសិក្សាលើកម្មវិធី នៅតាមតំបន់គោលដៅក្នុងបំណងដើម្បីរៀបចំគម្រោងឲ្យបានពឹស្តារក្នុងកម្មវិធីមួយ។ បុគ្គលិកនិងសមាជិកអ្នកស្មគ្រចិត្តសហគមន៍ នឹងត្រូវបានផ្តល់នូវវគ្គបណ្តុះបណ្តាលលើ ពលរដ្ឋដឹកនាំការអភិវឌ្ឍ ជំនាញសម្របសម្រួលដើម្បីប្រសិទ្ធិភាពដឹកនាំការសិក្សា និងការអនុវត្តគម្រោង។ ការសិក្សានឹងផ្តោតលើ ការសិក្សាទិន្នន័យគោល ដើម្បីមានពត៌មានគ្រប់គ្រាន់សម្រាប់ដើមគ្រានិងចុងគ្រានៃការអនុវត្តកម្មវិធី/គម្រោង និងការទុកដាក់ដើម្បីប្រើប្រាស់។
ប្រធានបទនៃការសិក្សាស្រាវជ្រាវពេលខ្លះត្រូវជ្រើសរើសផ្តោតទៅលើការបំពេញភាពចន្លោះខ្វះខាតរវាងភាពខ្លាំង និងធនធាននៃសហគមន៍។
(៣). ការជ្រើសរើសសមាជិកអ្នកស្មគ្រចិត្តហគមន៍(CVGM)
នេះគឺជាព្រឹត្តិការណ៍សំខាន់មួយដែលនឹងកើតឡើងក្នុងសហគមន៍គោលដៅ។ អង្គការនឹងធ្វើការពិគ្រោះយោបល់ជាមួយចាស់ទុំ និងអ្នកដឹកនាំមានការយល់ព្រមជាមុន ក្នុងការរៀបចំក្រុមការងារនៅមូលដ្ឋានជាអ្នកសម្របសម្រួល ដែលតំណាងឲ្យគ្រប់ក្រុមជនងាយរងគ្រោះក្នុងសហគមន៍។ (CVGM) គឺក្រុមការងារតាមខេត្តដែលបានជ្រើសរើស បង្វឹក ចងក្រង និងធ្វើការដោយស្មគ្រចិត្ត។ ច្រើនបំផុតគឺ៥ទៅ៧រូបតាមខេត្ត ក្នុងអាណត្តិរបស់អង្គការ។ គេអាចឈប់ ប្តូរសមាសភាពតាមអ្វីដែលគាត់អាចធ្វើបាន ដែលមានចែងក្នុងលក្ខណ្ឌ័កាងារ។
(៤) ឧបករណ៍និងវិធីសាស្ត្រពង្រឹងសហគមន៍
អង្គការមានបទពិសោធក្នុងការសាកល្បងជាមួយសហគមន៍នាភាគឦសាននៃប្រទេសកម្ពុជាតាំងពីឆ្នាំ២០១៦។ អង្គការនិងអនុវត្តប្រើឧបករណ័និងវិធីសាស្ត្រពលរដ្ឋដឹកនាំការអភិវឌ្ឍ ក្នុងការសម្របសម្រួលជាមួយនឹងសហគមន៍។ សមាសភាគនៅក្នុងវិធីសាស្ត្រពលរដ្ឋដឹកនាំការអភិវឌ្ឍមានដូចជា៖កសិករដឹកនាំការសិក្សាស្រាវជ្រាវ ចងក្រងភាពខ្លាំងរបស់សហគមន៍ និង ការអភិវឌ្ឍសហគមន៍តាមធនធានដែលមាន គឺជាកញ្ចប់បច្ចេកទេសក្នុងការពង្រឹងសហគមន៍។ អង្គការនឹងពង្រីកឲ្យមានក្រុមចែករំលែក វិធីសាស្ត្រពលរដ្ឋដឹកនាំការអភិវឌ្ឍ នៅតាមសហគមន៍។
(៥)ពង្រឹងបរិយាកាសរបសើអង្គការ
អង្គការនឹងអពង្រឹងវិធីសាស្ត្រធ្វើការងារជាមួយអង្គការជនជាតិដើមភាគតិច មន្ត្រីរាជរដ្ឋាភិបាល ម្ចាស់ជំនួយនៅគ្រប់កម្រិត ដើម្បីពង្រឹងកិច្ចសហការនិងកិច្ចសហប្រតិបត្តិការ។ លិខិតយោគយល់ ឬការចុះអនុសារណៈ គឺត្រូវបានរៀបចំឡើងដើម្បីបង្ហាញពីការសហការនិងការងារជាបណ្តាញយ៉ាងប្រសើរ។
ធ្វើការជាមួយអង្គការជនជាតិដើមភាគតិច៖ អង្គការផ្ទះតូចភូមិភាគឦសាននឹងកសាងកិច្ចសហការនិងសហប្រតិបត្តិការជាមួយអង្គការជនជាតិដើមភាគតិចពីមូលដ្ឋានរហូតដល់ថ្នាក់ជាតិ ថ្នាក់តំបន់និងអន្តរជាតិ។
សហគមន៍គោលដៅនិងតំបន់សម្រាប់កម្មវិធី៖
អង្គការនឹងធ្វើការក្នុងភូមិមួយចំនួនសង្ខាងក្រុមហ៊ុនចម្ការឈើដាំ (Think Biotech plantation company) ដែលមាន៣ភូមិក្នុងខេត្តក្រចេះ ឃុំបឹងចារ ស្រុកសំបូរ និង៣ភូមិទៀតក្នុងខេត្តស្ទឹងត្រែង ស្រុកសៀមបូក ឃុំសៀមបូក។ អិមផាក់នឹងធ្វើការទៅលើការពង្រឹងចម្ការរួមប្រពៃណី គ្រាប់ពូជ ប្រពន្ធ៍ស្បៀង អេកូទេសចរណ៍ច្រករបៀង ក្រុមច្បោះជ័រ សិល្បៈនិងលើចំណេះដឹងជនជាតិដើមភាគតិច។
អង្គការនឹងធ្វើការក្នុងភូមិចំនួន៤ ក្នុងតំបន់ចំការកៅស៊ូហង់អាញ់ ខេត្តរតនគីរី និងតំបន់សហគមន៍ការពារចំនួនពីរ មួយនៅក្នុងស្រុកលំផាត់ (បឹងភ្លោះយ៉ាក់កាអោលយ៉ាក់ការា) និងមួយទៀតនៅស្រុកតាវែង។ មានការសិក្សាបង្កើតថ្មីមួយទៀតនៅឃុំពយស្រុកអូជុំ។ អិមផាក់នឹងផ្តោតទៅលើការធ្វើចម្ការរួមប្រពៃណី ទុនសហគមន៍ (មឺនថាំង កាំបាក់ ឡាឡៃ តាំងម្លូ ភិ និងប៉ាដល) ការរក្សាពូជដំណាំ និងប្រពន្ធ័ស្បៀង ដោយរំលេចនូវសកម្មភាពកសិករដឹកនាំការសិក្សាស្រាវជ្រាវ ក្នុងខេត្តរតនគីរី។
កម្មវិធីដែលមានឈ្មោះថា កសិករដឹកនាំការសិក្សាស្រាវជ្រាវ និងបញ្ជ្រាបនៅតំបន់គោលដៅជាច្រើន ដើម្បីផ្តោតលើគ្រាប់ពូជ ប្រពន្ធ័ស្បៀង រួមទាំងភូមិមួយនៅក្នុងខេត្តបាត់ដំបង ជនជាតិដើមភាគតិចព័រ និងភូមិចំនួនពីរទៀត ជាជនជាតិដើមភាគតិចកួយក្នុងខេត្តបន្ទាយមានជ័យ ជាកម្មវិធីសាកល្បងតំបន់ដែលឆ្ងាយពីទីតាំងការិយាល័។